Transcription
1
Reçue à Grenoble, le 14 mars 1573. Répondue.
2
Monsieur, bien que je vous aye escrit du premier de ce moys par l’auditeur Collombat, je n’ay pource là
3
vollu fallyr d’accompaigner de ce mot le chevaucheur de Sainct Rambert pour vous dire que je partz en pouste
4ce jourd’huy pour m’en aller trouver Mon seigneur, duquel ny de son armee [barré : je ne vous ] je ne vous manderay
5
aulcunes nouvelles, quar on les ha fort incertaynes en ceste ville, les remectant mays que je soys pourté
6
sur les lieus à vous en tenyr adverty et des occurrances qui ce presenteront le bruit d’Allemagne que ains
7
suivant ce quaurés veu par ma precedante, je vous supplye très humblement monsieur que votre faveur
8
s’estande à l’endroict des generaux de Mompellyer, pour le desir que j’auroys qu’ilz bailliassent leurs
9conciences aussi qu’ilz s’acquitassent des [barré : selles ] sollennelles [barré : p ] promesse lesquilz ont faict à monsieur
10
le president Bellièvre. Je vous plairra aussi d’user ung mot de recommandation pour ce dit affaire
11
au sire Frommant receveur du dioceze de Vivarez. Le roy est encoure à Sainct Legier et tient on qu’il
12
viendra bien toust à Fontaynebleau pour n’abandonner guières ceste ville. Je ne say si avés entendu comme monsieur La Chapelle des Urssin a quitté la lieutenance du gouvernement de monsieur le marechal
13
de Monmorancy, duquel monsieur de Trèssy[ ?] a esté proveu. Ledit seigneur mareschal est presentement
14
en court. Je n’ay rien de nouveaulx à escrire à ma mère ny à ma femme. Je leurs fis une despeche du
15
premier de ce moys. Pour ne vous ennuyer d’aultre discours, je salueray voz bonnes graces par mes très
16
humbles recommandations. Priant Notre Seigneur vous donner,
17
monsieur, en très bonne sancté, longue et hereuse vye. A Parys, ce IIIIe de mars.
18
Si madame veoit la presente, elle y trouvera mes très humbles recommandations à sa bonne grace. J’escritz ung mot à messieurs
19
du pays ne leurs faisant aultre mention que de notre arrivée en ceste ville, et du contentement que madame de Sauve a heu
20
des deux mulletz que le pays luy ont faict present.
21
Vostre très humble et très hobeyssant filz et serviteur à
22
jamais Hourche